Egileak: Julio Santos (testua) eta Patricia Pérez (ilustrazioak)
Argitaletxea: Xarpa Books
Argitalpen data: 2024ko martxoaren 21
Orrialde-kopurua: 171
Formatua: azal biguna hegalekin
Generoa: haur literatura irudiztatua
Julio Santos: «Lanbidez informatikoa banaiz ere, betidanik izan dut idazketa nire zaletasunen artean. 2013. urtean, nire ametsetako bat hasi nuen: familian eta autokarabanaz, 3 urtez munduan barrena bidaiatzeko egitasmoa (www.cuatroporelmundo.com). Bidaia horretan, egundoko ametsa sortu zen, “Txano eta Oskarren abenturak”, egun Patriciarekin batera lanean dihardut. Teknologia, maker mugimendu, nobela beltz eta sormen eta dibertsioa sortzen duen edozein gauzaren zale banaiz ere».
Patricia Pérez: «Haurrentzako liburu, animazio filma, liburutegi eta nire semearekin batera sarri bisitatzen ditudan liburu denden maitemindua naiz. Gehien atsegin dudana ilustrazioa dela argi ikusi nuenean, Diseinu Grafiko ikasketak burutu nituen. Hortaz, Juliok haurrentzako liburuen sail bat burutzeko egitasmoa aurkeztu zidanean, tentazioari eutsi ezinik, sailaren pertsonaiak zein unibertso grafikoa diseinatzeari ekin nion».
⊗⊗⊗⊗⊗⊗⊗⊗⊗⊗⊗⊗⊗⊗⊗
Sinopsia:
Kaixo, nire izena Sara-Li da, eta botere magikoak ditut.
Txano eta Oscarren abenturetatik ezagutuko nauzu agian, baina hau nire abentura da.
Lepoan seinale bitxi bat dudala eta Txinako azti ospetsu baten ondorengoa naizela deskubritu ondoren, magia ikasten hasi naiz Avalongo azti-eskolan, Jauregia esaten diote etxe handi eta dotore batean. Han, ni bezalako haur gehiago daude.
Behin, ikuspen bitxi batek etxe azpian dagoen haitzulo batera eraman gintuen. Eta hortxe hasten da istorio hau. Haitzuloan, objektu misteriotsu batek mila urte baino gehiago zeramatzan bere hartzailearen zain. Eta hartzaile hori pertsona jakin bat baino ezin zitekeen izan.
Ni prest nago abenturarako, eta zu?
⊗⊗⊗⊗⊗⊗⊗⊗⊗⊗⊗⊗⊗⊗⊗
Jarraitzen nauzuenek badakizue Txano eta Oscar abenturen oso zalea naizela, eta haien egileen, Julio Santos eta Patricia Perezen, lana asko gustatzen zaidala. Oraingo honetan, saga horren pertsonaiaren batek bere bilduma propioa hasi du: Sara-Li, Txano eta Oscarren arreba txikia.
Bikien abenturek aurrera egin ahala, Sara-Liren protagonismoa handituz joan da, eta ideia bikaina pentsatzen zait bere ibilbidean zentratzea. Hala eta guztiz ere, ez da beharrezkoa Txano eta Oscarren liburuak irakurri izana Mila urte geroago ulertzeko. Gomendagarria litzateke hainbat erreferentzia agertzen direlako, eta, azken finean, Sara-Liren sormena hor dago; baina, erreferentzia horiek agertzen direnean, Juliok azalpen txikiak sartzen ditu ezagutzen ez dituenentzat (edo gogoratzeko, ezagutzen ditugunontzat).
Beno, goazen liburuaren mamia ezagutzera, ordua da eta!: Sara-Lik botere magikoak dauzka. Horiek ulertzeko eta menperatzeko Avalongo aztien eskolara doa. Bertan hainbat botere dauzkaten gazte gehiago daude eta ezagutuko ditugu; batzuk Sara-Liren lagunak dira, beste batzuk… ez. Hau da, edozein eskolan bezala.
Sara-Lik ikuspenak dauzka, eta horietako baten ezker, eskola azpian dagoen kobazulo bat hasten dira ikertzen. Sara-Lik laguntza dauka horretarako: eskolako lagunak eta irakasleak, anaiak eta haien lagunak berarekin aritzen dira. Bertan, zerbait oso garrantzitsua aurkitzen dute, bai ezagutza orokorrerako bai Sara-Liren jatorria ulertzeko.
Sara-Liren lehenengo liburuak Txano eta Oskarren bildumaren funtsa bera eduki arren, bere esentzia propioa ematen dioten aldeak hautematen dira: ilustrazioak beti bezain politak eta biziak dira, baina orain orrialde osoak hartzen dituzte, eta zehetasun ezberdinak ere ikusten ditugu. Baita testuan ere aldaketak daude: Sara-Li da narratzailea eta bere izaera islatzen da. Prosa zerbait konplexuagoa da, eta luzera ere handitu da. Irakurleen gutxieneko adina bi urte gehiagokoa da; ezin hobea Txano eta Oscarrekin hazi direnentzat.
Sara-Li: jatorria bilduma hasi berri dago eta bigarren liburua jada ate joka dago: gaur hamabi argitaratuko da! Juliok eta Patriciak sortu duten argitaletxearen web orrian informazio guztia aurki dezakezue, baita liburuak non erosi ere: Xarpa Books.
Saski naski idazki 
Utzi iruzkina